حالي : كل عام و انتا بخير ..

أنـــا : و انتا بخير ..

حالي : شو مالك يا زلمة بتحكيها و انتا قرفان مني ..

أنـــا : لأني انا  جد قرفان منك ..

حالي : الي بسمع بقول انا الي طايقك ..

أنـــا : يا زلمة مطولة الحياة معك ..

حالي : اذا زهقت مني دور على غيري ..

أنـــا : يا زلمة لو بيدي من هسه ..

حالي : يا زلمة هو في حد بالدنيا بطيقك مثلي ..

أنـــا : يا زلمة صار عمري 24 سنة و حاسس حالي ضايع اكثر من اول ..

حالي : و كيف ضايع يما ..

أنـــا : يعني انتا شايف لسه ما عملنا شي ..

حالي : عدنا لنفس السيرة في الجزء الاول ..

أنـــا : طيب انصحني شو أعمل .. !

حالي : خليك مثل ما انتا ..

أنـــا : كيف يعني .. !

حالي : يعني حط راسك بين الروس و قول يا قطاع الروس ..

أنـــا : و بعدين ..

حالي : بعدين يا بتزبطش معك يا بتزبطش معك ..

أنـــا : يعني على الجهتين مش زابطة معي ..

حالي : هيك طلعت فهمان يا ازعر ..

أنـــا : بتعرف قلة الحكي معك احسن ..

حالي : بتعرف انك مهستر ..

أنـــا : مش اول واحد و لا اخر واحد ..

حالي : الحمد لله الذي عافانا مما ابتلاه فيه ..

أنـــا : اصلا انتا منهم و معهم و انتا مش معي و انتا ..

حالي : و انا شو كمل يا زقرت ..

أنـــا : قلة الحكي معك احسن ..

حالي : طيب اقلب وجهك و روح نام ..

أنـــا : تيتي تيتي متل ما رحتي متل ما جيتي ..

يعني فكركم رح تزبط معي و رح تنحل .. ! و حالي رح يضل هيك و لا رح يتغير ..!