هلوساتـ ي ( الحلقة الثانية )

هلوساتـ ي ( الحلقة الثانية )

بقلم : محمد يونس ( ابو احمد )

حدثت هذه الهلوسة في بلاد هالس الشرقية , و نحن لسنا مسؤولين عن التشابه إن وجد لا سمح الله ..

الزوج : يا مرة إلحقيني ..

الزوجة : بــل شو في لساتك ما دخلت .. ؟

الزوج : إنخرب بيتي , إتدمرت و إنشطبت ..

الزوجة : و ين كاين ؟!

الزوج : يا مرة بحكيلك إنخرب بيتي , هو هسه وقت الغيرة و السؤال وين كاين يا علنتان ..

الزوجة : شو في لعاد ..

الزوج : إلك للسر مطرح .. !

الزوجة : إحكي شو خير و شو عامل ..

الزوج : طلبوني , و طلبوني , و طلبوني !!!

الزوجة : ولك مين طلبك , بدك تتزوج عليّ بعد العشرة و كوم اللحم ..

الزوج : ولك يا مرة فتّحي مخّك شوي و نظفي خشومك و إفهميني ..

الزوجة : فهمني شوي شوي , مين هم إلي طلبوك ..

الزوج : يا مرة إفهميها ما هي مبينه ( إذا إلي قرئوا الحلقة فهموها و انتي مش فاهمة ) ..

الزوجة : عليّ الطلاق منك يا زوجي أنك مهلوس و مش فاهمة عليك ..

الزوج : يا مرة اليوم إشتريت سندويشة و ملفوفة بالجريدة و إنا من هبلي قرأت الجريدة و رميتها ..

الزوجة : يخرب بيتك يا أبو عيالي , بدك ترملني .. بدك ..

الزوج : وحدّي الله يا مرة ..

الزوجة : ولك مين قلّك تشتري سندويشة ملفوفة بجريدة , و لك من متى حضرتك بتقرأ جرايد ..

الزوج : يا مرة عجبتني صورة البنت إلي على الجريدة و قرأتها ..

الزوجة : هلا هلا , و الله لأخرب بيتك و بيت بيتك ولك بتخونّي , ولك أنا إلي بدي أطلبك هسه ..

الزوج حدثت معه سواليف طرمّة لا نستطيع كتابتها , و الزوجة فقدت زوجها منذ ذلك اليوم ..

ابو احـمـد

3 - 12 - 2007

أضف الى مفضلتك

ـــــــــــــــــــــــــــــــــــــــــــــــــــــــــ
التصنيفات : هلوساتـ ي | السمات:هلوساتـ ي
أرسل الإدراج | دوّن الإدراج

الى متى .. ؟!